بلوچستان متحدہ قبائل نے پہلگام فالس فلیگ آپریشن کی مذمت اور پاک فوج سے اظہار یکجہتی کے لیے ریلی نکالی۔
ذرائع کے مطابق ریلی میں غیور قبائل نے پاک فوج کے شانہ بشانہ کھڑے رہنے کا عزم کیا۔
ریلی شرکاء نے بھارتی آبی جارحیت اور پہلگام فالس فلیگ حملے کی شدید الفاظ میں مذمت کی، شرکاء نے بھارت اور اسرائیل کے خلاف شدید نعرے بازی کی۔
متحدہ قبائل کے چیف امان اللہ کاکڑ کا کہنا تھا کہ بھارت نے پہلگام میں فالس فلیگ حملہ کیا، ہم بھارت کی آبی جارحیت کے خلاف احتجاج کرتے ہیں۔
ماہرین کا کہنا ہے کہ بلوچستان سے قبائل کا پہلگام فالس فلیگ کے خلاف اٹھ کھڑے ہونا حوصلہ افزا اقدام ہے۔
