ترکیہ کے ایک ہائی اسکول میں مسلح فائرنگ کے نتیجے میں 16 افراد زخمی ہوئے جبکہ حملہ آور نے بعد میں اپنی زندگی کا خاتمہ کرلیا۔ واقعہ ایک سابق طالب علم کی جانب سے کیا گیا۔
ترکیہ کے جنوب مشرقی علاقے سیورک میں واقع ایک ووکیشنل ہائی اسکول میں 18 سالہ سابق طالب علم نے شاٹ گن سے اندھا دھند فائرنگ کی، جس کے نتیجے میں کم از کم 16 افراد زخمی ہو گئے۔ حملہ آور نے فائرنگ کرنے کے بعد اسکول کی عمارت میں چھپ کر خودکشی کر لی۔ حکام نے واقعے کی تفصیلات فراہم کرتے ہوئے بتایا کہ یہ فائرنگ نماز کے وقت ہوئی، جس کی ویڈیو سوشل میڈیا پر وائرل ہو گئی، جس میں بچوں کو فائرنگ سے بچنے کے لئے بھاگتے دیکھا جا سکتا ہے۔
