دوحہ: فیفا ورلڈ کپ کے گروپ میچ میں میکسیکو نے 1-2 گول سے سعودی عرب کو شکست سے دوچار کردیا۔
قطر کے اسٹیڈیم لوسیل میں کھیلے گئے گروپ سی کے اسٹیج میچ میں سعودی فٹبال ٹیم، میکسیکو سے 2-1 گول سے شکست کھاکر ایونٹ سے باہر ہوگئی۔
میچ کے آغاز سے ہی میکسکو نے مخالف ٹیم کے خلاف جارحانہ انداز اپنایا لیکن سعودی عرب کے کھلاڑیوں نے زبردست دفاعی کھیل پیش کیا، جس کے باعث پہلے ہاف میکسکو کوئی گول نہ کرسکا جب کہ سعودی ٹیم نے بھی کوئی گول اسکور نہ کیا۔
47 ویں منٹ پر ہنری مارٹن نے ٹیم کیلئے پہلا گول اسکور کرکے میکسکو کو سعودی عرب پر سبقت دلائی، جب کہ میکسکو کی جانب سے 52 ویں منٹ پر لوئس چاویز نے دوسرا گول اسکور کیا۔
دوسری جانب سعودی عرب کے صالح الشہری نے میچ کے آخری لمحات میں پینلٹی کا فائدہ اٹھاتے ہوئے میکسیکو کے خلاف پہلا گول اسکور کیا۔
پوائنٹس ٹیبل پر تیسرے نمبر پر موجود میکسکو، گروپ میچ میں سعودی عرب کو شکست دینے کے باوجود پری کوارٹر فائنل مرحلے کے لیے کوالیفائی نہ کرسکا۔
