فرانسیسی وزیرخارجہ نے لبنان پر اسرائیلی حملوں کو ناقابل برداشت قرار دیتے ہوئے جنگ بندی معاہدے میں لبنان کی شمولیت کا مطالبہ کیا۔ انہوں نے یہ بھی کہا کہ اسرائیلی حملے حزب اللہ کو مزید طاقتور کریں گے۔
پیرس: فرانسیسی وزیرخارجہ نے لبنان پر اسرائیلی حملوں کی شدید مذمت کی ہے اور انہیں ناقابل برداشت قرار دیا۔ ان کا کہنا ہے کہ لبنان کو اسرائیلی حکومت کی جارحیت کی بھینٹ نہیں چڑھایا جا سکتا۔ انہوں نے جنگ بندی معاہدے میں لبنان کی شمولیت کی ضرورت پر زور دیتے ہوئے کہا کہ لبنانیوں کو نشانہ بنانا حزب اللہ کو مزید مضبوط کرے گا، جس سے خطے کی صورتحال مزید بگڑ سکتی ہے۔ ان کا یہ بھی کہنا تھا کہ اسرائیلی حملوں کے نتیجے میں امریکہ اور ایران کی جنگ بندی کی کوششوں کو بھی نقصان پہنچ رہا ہے۔ دوسری جانب اٹلی کی وزیراعظم جورجیا میلونی نے ٹرمپ کے بیان کی مذمت کی ہے، جس میں انہوں نے پوپ لیو کے خلاف رائے دی تھی اور اسے ناقابل قبول قرار دیا ہے۔
