پاکستان کی پہلی رو‑رو شپمنٹ کے ذریعے 2,000 سے زائد جدید الیکٹرک گاڑیاں کراچی پہنچیں۔ یہ اقدام پاکستان کی بحری تجارت اور گرین انرجی کے شعبے میں ایک تاریخی سنگ میل ہے۔
پاکستان کی بحری تجارت میں ایک نیا باب کھولا گیا جب پہلی رو‑رو شپمنٹ کے ذریعے 2,000 سے زائد الیکٹرک گاڑیاں کراچی پہنچیں۔
یہ کامیابی وفاقی وزیر برائے بحری امور جنید انوار چوہدری کی خصوصی نگرانی میں حاصل ہوئی، جب عالمی جہاز ‘ایم وی گرینڈے شنگھائی’ کراچی پورٹ کے جی ٹی ایم ایل ٹرمینل پر لنگرانداز ہوا۔
حکام کے مطابق، اس شپمنٹ سے پاکستان کی گرین انرجی پالیسی کو تقویت ملے گی اور الیکٹرک گاڑیوں کی مقامی مارکیٹ میں دستیابی بڑھے گی۔
مستقبل میں مزید رو‑رو شپمنٹس کی منصوبہ بندی جاری ہے، جس سے پاکستان کی معاشی ترقی اور ماحولیاتی تحفظ دونوں کو فائدہ پہنچے گا۔
