وائٹ ہاؤس کی ترجمان نے بتایا ہے کہ امریکا ایران مذاکرات کا اگلا دور ممکنہ طور پر پاکستان میں منعقد ہوگا۔ اس حوالے سے کوششیں جاری ہیں۔
واشنگٹن: وائٹ ہاؤس کی ترجمان کیرولائن لیوٹ نے میڈیا بریفنگ میں کہا ہے کہ امریکا اور ایران کے درمیان براہِ راست مذاکرات کا اگلا دور ممکنہ طور پر پاکستان میں منعقد ہوگا۔ انہوں نے یہ بھی وضاحت کی کہ اگرچہ اس بات کی حتمی تاریخ طے نہیں ہوئی، لیکن مذاکرات کے حوالے سے کوششیں مثبت اور جاری ہیں۔ کیرولائن نے اشارہ دیا کہ ممکنہ طور پر اگلا اجلاس اسی مقام پر ہوگا جہاں پہلا دور منعقد ہوا تھا۔ پاکستان ان مذاکرات میں واحد ثالث کی حیثیت سے اپنا کردار ادا کرتا رہے گا۔
