محکمہ موسمیات نے 8 سے 12 جون تک ملک میں ہیٹ ویو کا الرٹ جاری کیا۔ اسلام آباد، راولپنڈی، کراچی اور دیگر علاقوں میں درجہ حرارت 40–43 ڈگری تک پہنچ سکتا ہے۔ عوام کو حفاظتی اقدامات اپنانے کی ہدایت دی گئی۔
محکمہ موسمیات کے مطابق 8 سے 12 جون تک پاکستان کے مختلف علاقوں میں ہیٹ ویو کا خطرہ ہے۔ اسلام آباد، راولپنڈی، اٹک، چکوال، جہلم، گجرات، سیالکوٹ اور کراچی میں درجہ حرارت 40 سے 43 ڈگری تک پہنچنے کا امکان ہے۔ نارووال، لاہور، قصور، فیصل آباد، جھنگ، ٹوبہ ٹیک سنگھ، سرگودھا، میانوالی، خوشاب، بھکر، پشاور، مردان، بنوں، ڈی آئی خان، سکھر، لاڑکانہ، جیکب آباد، سبی، تربت اور پنجگور میں درجہ حرارت 4 سے 6 ڈگری زیادہ ہو سکتا ہے۔ عوام کو پانی پینے، دھوپ سے بچنے اور باہر کی سرگرمیوں میں احتیاط برتنے کی ہدایت کی گئی۔
