کراچی میں پانی کی فراہمی کے لیے اہم قدم اٹھایا گیا۔ لائن نمبر 5 کی اپ گریڈیشن سے پانی کی بہاؤ بہتر ہو گا۔ میئر اور کارپوریشن کے حکام نے اس کو شہر کے بنیادی ڈھانچے کی ترقی کا سنگ میل قرار دیا۔
کراچی میں پانی کی فراہمی کے لیے ایک اہم اور تاریخی قدم اٹھایا گیا۔ کراچی واٹر اینڈ سیوریج کارپوریشن (KW&SC) نے دھابیجی سے کراچی تک پانی پہنچانے والی 60 سال پرانی لائن نمبر 5 کی تبدیلی کا کام کامیابی سے مکمل کر لیا ہے۔ میئر کراچی بیرسٹر مرتضیٰ وہاب نے اس منصوبے کو شہر کے واٹر انفرااسٹرکچر کی بحالی کی سمت ایک اہم سنگ میل قرار دیتے ہوئے کہا کہ کئی دہائیوں پرانے آبی نظام کی اپ گریڈیشن شہر کی بڑھتی ہوئی ضروریات کے مطابق کی جا رہی ہے۔ ترجمان واٹر کارپوریشن نے مزید بتایا کہ یہ اقدام کراچی کو پانی کی بہتر، مؤثر اور بلا تعطل فراہمی کو یقینی بنانے کے لیے مرحلہ وار بنیادوں پر جاری رہے گا۔ اس طرح شہر کے رہائشیوں کو بہتر پانی کی سہولت ملنے کی امید ہے۔
