ترکیہ کے قہرمان مرعش میں ایک 14 سالہ طالب علم نے اسکول میں فائرنگ کی، جس کے نتیجے میں 8 طلبہ اور ایک استاد جاں بحق ہو گئے۔ واقعہ میں 13 افراد زخمی ہوئے ہیں۔
انقرہ: ترکیہ کے علاقے قہرمان مرعش میں واقع ‘ایسر کالک سیکنڈری اسکول’ میں ایک 14 سالہ طالب علم نے کلاس رومز میں گھس کر اندھا دھند فائرنگ کردی، جس کے نتیجے میں 9 افراد جاں بحق ہو گئے۔ ترک وزیر داخلہ مصطفیٰ چیفتچی نے بتایا کہ اس افسوسناک واقعہ میں 8 طلبہ اور ایک استاد اپنی جان سے ہاتھ دھو بیٹھے ہیں۔ حکام کا کہنا ہے کہ حملہ آور طالب علم بھی مارا گیا ہے، جبکہ فائرنگ کے نتیجے میں 13 افراد زخمی ہوئے ہیں، جن میں سے 6 کی حالت انتہائی تشویشناک ہے۔ یہ واقعہ اسکول کے طلبہ اور عملے کے لیے ایک بہت بڑا صدمہ ہے اور ملک بھر میں اس پر سخت تشویش کا اظہار کیا جا رہا ہے۔
