وفاقی وزیر توانائی نے کہا ہے کہ جون کے بعد بجلی کے بلوں کی معلومات ایک نئی موبائل ایپ میں دستیاب ہوں گی۔ یہ اقدام اوور بلنگ جیسے مسائل کے خاتمے کے لئے اہم ہے۔
اسلام آباد میں وفاقی وزیر برائے توانائی سردار اویس لغاری نے بجلی صارفین کے لئے خوشخبری سنائی ہے کہ رواں سال جون کے بعد صارفین کو بجلی کے بلوں اور سسٹم کی تمام معلومات ایک مخصوص موبائل ایپ پر ملیں گی۔ وزیر نے اسلام آباد الیکٹرک سپلائی کمپنی (آئیسکو) کے اے ایم آئی کنٹرول سینٹر کا دورہ کیا، جہاں انہیں جدید میٹرنگ سسٹم کے بارے میں تفصیلی بریفنگ دی گئی۔ اس پروجیکٹ کے تحت آئیسکو کے 25 فیصد صارفین کے لئے اے ایم آئی میٹرز نصب کئے جا چکے ہیں، جن کا مقصد انسانی مداخلت کو ختم کرنا اور اوور بلنگ کے مسائل پر قابو پانا ہے۔
