سندھ کے ٹنڈوالہٰیار کے چمبڑ میں ایک مدرسے کے 12 سالہ طالب علم کو زیادتی کے بعد قتل کر دیا گیا۔ پولیس نے فوری کارروائی کے بعد تین افراد کو حراست میں لیا۔
سندھ کے ٹنڈوالہٰیار کے چمبڑ میں ایک انتہائی افسوسناک واقعہ سامنے آیا ہے، جہاں مدرسے کے ایک 12 سالہ طالب علم کو مبینہ طور پر زیادتی کا نشانہ بنانے کے بعد بے دردی سے قتل کر دیا گیا۔
پولیس حکام کے مطابق، جاں بحق ہونے والے طالب علم کی شناخت عمران کے نام سے ہوئی ہے۔ ابتدائی تحقیقات میں یہ واضح ہوا کہ ملزمان نے پہلے بچے کو کوئی نشہ آور چیز دی اور پھر اسے زیادتی کا نشانہ بنانے کے بعد قتل کر دیا۔
پولیس نے فوری کارروائی کرتے ہوئے واقعے میں ملوث ہونے کے شبہ میں تین افراد کو حراست میں لے لیا ہے۔ ان کے خلاف تحقیقات جاری ہیں اور مزید تفصیلات کے لیے عوام سے گزارش کی جاتی ہے کہ وہ کسی بھی ممکنہ شواہد سے متعلق حکام کو آگاہ کریں۔
