جنوبی اسرائیل کے شہر نیتیووت میں ہزاروں کی تعداد میں شہد کی مکھیاں اچانک نمودار ہوگئیں، جس سے مقامی لوگوں میں خوف و ہراس پھیل گیا۔ ویڈیوز میں یہ واقعہ ایک غیر معمولی قدرتی واقعہ کے طور پر دیکھا جا رہا ہے۔
اسرائیل میں قدرت کا قہر نازل ہورہا ہے، جہاں مختلف علاقوں میں شہد کی مکھیوں کے بڑے بڑے جھنڈ اچانک ظاہر ہوئے ہیں۔ جن کی ویڈیوز سوشل میڈیا پر وائرل ہو رہی ہیں۔ غیر ملکی ذرائع نے رپورٹ کیا ہے کہ جنوبی اسرائیل کے شہر نیتیووت میں ہزاروں کی تعداد میں شہد کی مکھیاں ایک ساتھ نمودار ہوئیں، جس سے بازاروں اور تجارتی مراکز میں خوف و ہراس پھیل گیا۔ کچھ صارفین اس واقعے کو قدرت کا ایک غیر معمولی مظہر مان رہے ہیں جبکہ دوسروں نے اس کو اسرائیل کے لیے ایک قدرتی انتباہ یا سزا قرار دیا ہے۔ اس کے علاوہ، اسرائیلی فوج کے طیارے بھی اس صورتحال سے متاثر ہوئے ہیں، کیونکہ ریکارڈ کی جانے والی تاریخ میں سب سے بڑے جھنڈ کی موجودگی کی وجہ سے کئی طیارے اڑنے سے قاصر ہیں۔
