گجرات چیمبر آف کامرس کا وفد صدر حسن مٹو کی قیادت میں برسلز پہنچ گیا

برسلز: (آمن نیوز) گجرات چیمبر آف کامرس کے صدر چوہدری حسن مٹو کی قیادت میں ایک اعلیٰ سطحی تجارتی وفد یورپ کے دارالحکومت برسلز پہنچ گیا۔

وفد کی آمد پر برسلز میں مابرو کے ایڈمنسٹریٹر اور سٹی کونسلر محمد ناصر نے ان کا پرتپاک استقبال کیا اور ان کے اعزاز میں ایک عشائیہ بھی دیا۔

اس موقع پر وفد میں شامل اراکین نے یورپ میں تجارتی روابط، سرمایہ کاری کے مواقع اور پاکستان و بیلجیئم کے درمیان معاشی تعاون کو فروغ دینے پر تبادلہ خیال کیا۔

گجرات چیمبر آف کامرس کے صدر حسن مٹو کی قیادت میں آنے والے وفد میں ڈیلیگیشن کمیٹی کے چیئرمین قمر معصوم اور فیڈریشن آف پاکستان چیمبر آف کامرس اینڈ انڈسٹری (FPCCI) کے نائب صدر مسٹر اعوان سید بھی شامل تھے۔

وفد کے ارکان نے کہا کہ اس دورے کا مقصد یورپی منڈیوں میں پاکستانی مصنوعات کے لیے نئے مواقع تلاش کرنا اور دو طرفہ تجارتی تعلقات کو مزید مستحکم بنانا ہے۔

آمن نیوز پاکستان اور یورپ کے درمیان معاشی و تجارتی تعاون کی ایسی سرگرمیوں کو خصوصی اہمیت دیتا ہے جو دوطرفہ ترقی میں کردار ادا کریں۔