جنوبی کوریا نے خوبصورتی کے علاج کو سیاحت کا نیا محور بنا کر بین الاقوامی سیاحوں کی بڑی تعداد کو اپنی طرف متوجہ کیا۔ لیزر تھراپی اور اینٹی ایجنگ ٹریٹمنٹس نے میڈیکل ٹوریزم میں نمایاں اضافہ کیا۔
جنوبی کوریا نے حال ہی میں خوبصورتی اور اسکن کیئر ٹریٹمنٹس کو اپنا نیا سیاحتی مرکز بنا لیا ہے۔ کے پاپ ڈراموں اور فیشن کے بعد، خواتین کی لیزر تھراپی، فیشل فرمِنگ اور اینٹی ایجنگ ٹریٹمنٹس نے ملک بھر میں میڈیکل ٹوریزم کو نئی بلندیوں تک پہنچا دیا ہے۔ غیر ملکی خبر رساں ادارے کی رپورٹ کے مطابق، گزشتہ سال تقریباً 20 لاکھ غیر ملکی شہری طبی علاج اور بیوٹی ٹریٹمنٹس کے لیے جنوبی کوریا پہنچے، جو 2024 کے مقابلے میں تقریباً دوگنا ہے۔ جنوبی کوریا کی وزارتِ صحت کا کہنا ہے کہ اس شعبے میں غیر ملکی مریضوں کی تعداد میں عام اضافہ ہوا ہے اور مستقبل میں مزید اضافہ متوقع ہے۔
