کراچی کے ہل پارک کے اطراف غیرقانونی تعمیرات کے باعث بلدیہ عظمیٰ کے ڈپٹی ڈائریکٹر نعمان کو معطل کیا گیا۔ اس کے ساتھ ہی جمشید ٹاؤن کے ڈپٹی ڈائریکٹر کو نوٹس بھی جاری کیا گیا۔ افسر کے خلاف کارروائی کے لیے ایچ آر ایم سے نوٹیفکیشن بھی جاری ہو چکی ہے۔
کراچی کے ہل پارک کے اطراف غیرقانونی تعمیرات کے معاملے پر بلدیہ عظمیٰ کراچی کے محکمہ لینڈ کے ڈپٹی ڈائریکٹر نعمان کو معطل کر دیا گیا۔ معطلی کے بعد بلدیہ اور جمشید ٹاؤن کے ڈپٹی ڈائریکٹر کو شوکاز نوٹس جاری کیا گیا۔ ڈپٹی ڈائریکٹر لینڈ کی جانب سے پلاٹ نمبر 39 جی فور کی کنڈیشنل این اوسی جاری کی گئی تھی۔ افسر کے خلاف کارروائی سے متعلق سینئر ڈائریکٹر ایچ آر ایم کی جانب سے نوٹیفکیشن بھی جاری کر دیا گیا ہے۔ یہ کارروائی مقامی حکام کی جانب سے غیرقانونی تعمیرات پر سخت قدم اٹھانے کا حصہ ہے۔
