وفاقی کابینہ نے 30-2027 کی پرائیویٹ حج پالیسی منظور کی جس میں آپریٹرز پر کارکردگی پر مبنی کوٹہ، 2000 حجاج کی لازمی بکنگ، اور ناکام کمپنیوں پر پابندی شامل ہے۔
اسلام آباد: وفاقی کابینہ نے 30-2027 کی پرائیویٹ حج پالیسی منظور کر لی، جس میں حج آپریٹرز پر نئی شرائط عائد کی گئی ہیں۔ وزارت مذہبی امور کے ترجمان نے واضح کیا کہ پالیسی کے تحت کوٹہ سسٹم کے بجائے کارکردگی اور کمپلائنس پر مبنی نظام نافذ کیا جائے گا۔ ہر آپریٹر کو 2000 حجاج کی بکنگ لازمی ہوگی؛ کم بکنگ کی صورت میں کمپنی کو غیر فعال قرار دیا جائے گا۔ ناکام کمپنیوں کی سکیورٹی کا آدھا حصہ ضبط کیا جائے گا اور حجاج کو خودکار طور پر دوسری کمپنیوں میں منتقل کیا جائے گا۔
