کراچی: پاکستان شوبز کے مشہور اداکار سمیع خان کے ہاں بیٹے کی پیدائش ہوئی ہے۔
سمیع خان نے فوٹو اینڈ ویڈیو شیئرنگ پلیٹ فارم انسٹاگرام پر اسٹوری شیئر کرتے ہوئے مداحوں کو یہ خوشخبری دی کہ ان کے ہاں ننھے مہمان کی آمد ہوئی ہے۔
اداکار نے اپنے نومولود نے ننھے پیروں کی تصویر شیئر کرتے ہوئے کیپشن میں لکھا کہ ’ماشااللہ، الحمداللہ، میں ہمارے آنکھوں کے تارے شاہ میر خان کی آمد کا اعلان کرتے ہوئے بےحد پُرجوش ہوں‘۔
سمیع خان نے مداحوں سے دعاؤں میں یاد رکھنے کی درخواست بھی کی۔ انہوں نے اپنے بیٹے کا نام شاہ میر خان رکھا ہے جس کی پیدائش 2 اگست کو ہوئی ہے۔
View this post on Instagram
A post shared by Sami Khan 🎥 (@sami_khan.official)
یاد رہے کہ سمیع خان پاکستانی ڈراموں کے ایک مشہور اداکار ہیں ان کے ڈراموں میں، سیراب، یار نہ بچھڑے، عشق زہے نصیب، انکار اور ایسی ہے تنہائی شامل ہے۔
سمیع خان 2009 میں شانزے خان کے ساتھ رشتہ ازدواج میں منسلک ہوئے تھے ان کی ایک بیٹی بھی ہے جس کا نام ماہ نور خان ہے۔
