بھارتی ریاست اتر پردیش میں ایک بدنام زمانہ کانسٹیبل نے قانونی مشکلات سے بچنے کے لیے ایک شخص کو زندہ جلا کر خود کو مردہ ثابت کرنے کی کوشش کی۔ اس واقعے نے علاقے میں خوف و ہراس پیدا کر دیا ہے۔
بھارتی ریاست اتر پردیش میں جی آر پی پولیس نے ایک ماہ قبل پیش آنے والے لرزہ خیز قتل کے معاملے کا پردہ فاش کردیا ہے۔ ملزم، رام ویر سنگھ، جو اتر پردیش پولیس کا برطرف کانسٹیبل ہے، نے یہ خوفناک عمل قانونی مقدمات سے بچنے کے لیے انجام دیا۔ 12 مارچ کو ہاتھرس روڈ ریلوے ہالٹ پر ایک بھکاری کی جلی ہوئی لاش ملی جس کے قریب ملزم نے اپنا شناختی کارڈ اور دیگر مواد چھوڑ دیا۔ یہ واقعہ اس وقت سامنے آیا جب مقامی پولیس نے ملزم کی تلاش شروع کی۔ جی آر پی پولیس نے اسے جلد ہی گرفتار کرلیا، جس کے بعد یہ واقعہ عام لوگوں میں خوف و ہراس پھیلانے کا سبب بن گیا۔
