پنجاب کے وزیر صنعت و تجارت چوہدری شافع حسین نے سرگودھا چیمبر آف کامرس کے ساتھ ملاقات کے دوران 10 کروڑ تک کے آسان قرضے کا اعلان کیا۔ اس اسکیم کے تحت کم مارک اپ پر بلاسود اور اربوں کے قرضے دیے جائیں گے۔
پنجاب کے وزیر صنعت و تجارت چوہدری شافع حسین نے سرگودھا چیمبر آف کامرس اینڈ انڈسٹری کے ایک اعلیٰ سطح کے وفد کے ساتھ ملاقات کے دوران 10 کروڑ تک کے آسان قرضے کا اعلان کیا۔ اس اسکیم کے تحت بلاسود اور اربوں کے قرضے انتہائی کم مارک اپ پر فراہم کیے جائیں گے، جس سے چھوٹے و درمیانے درجے کے تاجروں کو مالی معاونت ملے گی۔ وفد کی قیادت ایوان صنعت و تجارت سرگودھا کے صدر خواجہ یاسر قیوم کر رہے تھے، جبکہ ملاقات میں ایم ڈی پیسک مبین الٰہی اور ڈائریکٹر پی بی آئی ڈاکٹر عمران ہاشمی بھی شریک تھے۔ وزیر نے کہا کہ یہ اقدام صنعت و تجارت کی ترقی کو فروغ دے گا اور مقامی کاروباروں کو مزید سرمایہ فراہم کرے گا۔
