ناظم آباد میں ایک مہلک ٹریفک حادثہ پیش آیا، جس میں دو بہنیں ہلاک ہو گئیں۔ پولیس نے حادثے کا ذمہ دار خراب سڑک کو قرار دیا ہے۔
کراچی کے علاقے ناظم آباد میں پیش آنے والے خوفناک ٹریفک حادثے کی وجہ خراب سڑک بنی۔ دو بہنیں، 17 سالہ اینجل اور 19 سالہ ایسٹر، اپنے بھائی کے ساتھ موٹرسائیکل پر سوار تھیں جب وہ ایک آئل ٹینکر کی زد میں آ گئیں اور ہلاک ہو گئیں۔ پولیس کے مطابق سڑک کی خراب حالت کی وجہ سے موٹرسائیکل بے قابو ہو کر گری، جس کے نتیجے میں دونوں لڑکیاں آئل ٹینکر کے ٹائروں کے نیچے آ گئیں۔ بھائی معجزانہ طور پر محفوظ رہا۔ عینی شاہدین نے بھی سڑک کی حالت کو حادثے کا سبب قرار دیا۔
