الجزیرہ نے دعویٰ کیا ہے کہ ایران کے ایٹمی پروگرام میں بریک تھرو کا امکان ہے۔ پاکستانی وفد تہران میں مذاکرات کر رہا ہے۔
پاکستان نے ایران اور امریکہ کے درمیان جاری ایٹمی تنازع کو ختم کرنے کے لیے اپنی سفارتی کوششوں میں تیزی لائی ہے۔ الجزیرہ ٹی وی کے مطابق، پاکستانی وفد کی تہران میں موجودگی اور حالیہ مذاکرات کے بعد ایران کے ایٹمی پروگرام کے حوالے سے جلد ایک ‘بڑا بریک تھرو’ متوقع ہے۔ پاکستان کی مسلح افواج کے سربراہ فیلڈ مارشل سید عاصم منیر ایک اعلیٰ سطحی وفد کے ساتھ تہران میں ہیں۔ ایرانی میڈیا نے ان کی موجودگی کو واشنگٹن کی جانب سے ایرانی قیادت کے لیے ایک اہم قدم قرار دیا ہے۔
