قومی ٹیم کے فاسٹ بولر نسیم شاہ پاکستان سپر لیگ (پی ایس ایل) کے نویں ایڈیشن میں کوئٹہ گلیڈی ایٹر سے علیحدگی اختیار کرلیں گے۔
میڈیا رپورٹس میں دعویٰ کیا جارہا ہے کہ سال 2019 سے کوئٹہ گلیڈی ایٹرز سے وابستہ فاسٹ بولر نسیم شاہ ذاتی وجوہات کی بنا پر فرنچائز سے علیحدگی اختیار کررہے ہیں۔
دوسری جانب پشاور زلمی اور اسلام آباد یونائیٹڈ کی فرنچائزز نسیم شاہ کی خدمات حاصل کرنے کی خواہاں ہیں جبکہ ایک ٹیم نے روابط بڑھانا بھی شروع کردیئے ہیں۔
مزید پڑھیں: پی ایس ایل9 ایڈیشن کی تاریخ کیلیے حکومت سے مشورہ کرنے کا فیصلہ
واضح رہے کہ گزشتہ ایڈیشن میں کوئٹہ گلیڈی ایٹرز اور لاہور قلندرز کے درمیان پی ایس ایل 8 کے میچ کے دوران نسیم شاہ بظاہر مایوس نظر آئے تھے، بعدازاں مداحوں کی جانب سے انہیں اگلے سیزن میں فرنچائز سے الگ ہونے کا مشورہ دیا گیا تھا۔
مزید پڑھیں: پی ایس ایل9؛ سیروگیٹ ایڈورٹائزنگ پر دروازے مکمل بند
فاسٹ بولر ایشیاکپ کے دوران کندھے کی انجری کا شکار ہوکر ورلڈکپ سے باہر ہوگئے تھے جبکہ انہیں دورہ آسٹریلیا کیلئے بھی ڈراپ کردیا گیا ہے تاکہ وہ صحتیاب ہوسکیں۔
