رحیم یار خان کے نزدیک کچھ ماچھک میں دو قبیلوں میں تصادم کے دوران آٹھ افراد جاں بحق ہوگئے۔
ایکسپریس نیوز کے مطابق یہ بھی اطلاعات ہیں کہ شر اور کوش برادری کے ڈاکوؤں کی جانب سے سولنگی سیلرا برادری پر حملہ کیا گیا جس میں خاتون سمیت 8 افراد ہلاک ہوئے، ہلاک ہونے والوں میں حملہ آور دو ڈاکوؤں بھی شامل ہیں۔
موصولہ اطلاعات کے مطابق واقعہ ماچھکہ کے علاقے میں پیش آیا۔
ترجمان پولیس کے مطابق شر اور ماچھی قبیلے کے درمیان پرانی دشمنی کی وجہ سے فائرنگ کا واقع پیش آیا، دونوں اطراف سے زخمی ہونے کی اطلاعات ہیں، ایس ایچ او ماچھکہ بکتر بند گاڑیوں، ایلیٹ کی بھاری نفری کے ہمراہ موقع پر پہنچ گئے ہیں، دو طرفہ فائرنگ کا تبادلہ جاری ہے۔
