پاکستان میں آج بلیو مائیکرو مون کا منفرد چاند دیکھنے کو ملے گا۔ ماہرین کے مطابق یہ چاند عام مکمل چاند سے چھوٹا اور کم روشن ہوگا۔
پاکستان میں آج بلیو مائیکرو مون کے طور پر جانے جانے والا چاند منظر دیکھنے کو ملے گا۔ ماہرین فلکیات کے مطابق بلیو مون وہ مکمل چاند ہے جو ایک ہی مہینے میں دوسری بار ظاہر ہوتا ہے۔ اس بار کا چاند زمین سے تقریباً 4 لاکھ 6 ہزار کلو میٹر دور ہوگا، جس کی وجہ سے یہ عام مکمل چاند کے مقابلے میں 7 فیصد چھوٹا اور 30 فیصد کم روشن دکھائی دے گا۔ چاند کا رنگ سفید اور چمکدار ہی رہے گا مگر اس کی کم روشنی عوام کے لیے ایک نیا تجربہ پیش کرے گی۔
