لاہور: پاکستان کے مشہور ڈیزائنر حسن شہریار یاسین نے انکشاف کیا ہے کہ انہوں نے اپنے کپڑوں کے برانڈ کا آغاز بہت ہی کم رقم سے کیا تھا۔
حال ہی میں ایچ ایس وائی ایک انٹرویو میں شریک ہوئے جہاں انہوں نے فیشن کی دنیا میں اپنے ساتھ پیش آنے والی ابتدائی مشکلات کا خلاصہ کیا۔
فیشن ڈیزائنر کا نے انکشاف کیا کہ انہوں نے صرف 2500 روپے سے اپنے فیشن برانڈ کا آغاز کیا تھا۔ حسن شہریار کا بتانا تھا کہ انہوں نے 2 ہزار کی ایک سلائی میشن جبکہ 500 روپے میں قینچیاں اور دھاگے خریدے تھے۔
Advertisement
انہوں نے بتایا کہ مشکلات یہیں ختم نہ ہوئیں اب ان کے پاس کپڑے خریدنے کے بھی پیسے نہیں تھے تو انہوں نے گھر کی چادروں پردوں اور ڈائیننگ کور سے 5 جوڑے تیار کروائے۔
View this post on Instagram
A post shared by Hassan Sheheryar Yasin (@hassanhsy)
حسن شہریار نے بتایا کہ انہوں نے کپڑوں کو ڈیزائن کیا جبکہ ان کی سلائی کیلئے ایک ٹیلر ماسٹر کو پیسے دینے کا وعدہ کر کے کام پر رکھا۔
فیشن ڈیزائنر کا کہنا تھا کہ ان دنوں ایمان علی نے ماڈلنگ کی دنیا میں قدم رکھا تھا اور وہ ان نے ماڈلنگ سیکھ رہی تھیں تو ایمان کو اپنے برانڈ کیلئے پہلی ماڈل ہائیر کیا اور اپنے میک اپ آرٹسٹ دوست اور فوٹوگرافر کی مدد سے شوٹ مکمل کیا۔
جس کے بعد انہوں نے پاکستان کے بڑے میگزین کے ایڈیٹرز کو تصاویر ارسال کر دیں جو ان کے کور پیج پر شائع ہوئیں اور یوں حسن شہریار کا برانڈ متعارف ہوا۔
