کولمبیا: مراکش فٹبال ٹیم کے فیفا ورلڈ کپ سیمی فائنل میں پہنچنے پر عالمی شہرت یافتہ گلوکارہ شکیرا نے بھی خوشی کا اظہار کیا ہے۔
فیفا ورلڈکپ 2010 کا آفیشل گانا ‘وکا وکا دِس ٹائم فار افریقا’ گانے والی نامور گلوکارہ ٹوئٹر پر اپنے ردعمل کا اظہار کیا ہے۔
گلوکارہ نے لکھا ‘دِس ٹائم فار افریقا‘، ساتھ ہی انہوں نے مراکش کے لیے تالیوں کا ایموجی بھی پوسٹ کیا۔
شکیرا کی ٹوئٹ پر کمنٹ کرتے ہوئے یوٹیوب کے آفیشل ٹوئٹر اکاؤنٹ سے بھی وکا وکا لکھا گیا جبکہ اس ٹویٹ کو اب دس لاکھ سے زیادہ افراد لائک کرچکے ہیں۔
فیفا ورلڈکپ کےکوارٹر فائنل میں مراکش نے پرتگال کو 0-1 سے شکست دے کر پہلی مرتبہ سیمی فائنل میں جگہ بنائی اور وہ ورلڈکپ کی تاریخ میں سیمی فائنل میں پہنچنے والی پہلی عرب اور پہلی افریقی ٹیم بن گئی ہے۔
