وزارتِ مذہبی امور نے ایران اور عراق جانے والے زائرین کیلئے نیا آن لائن رجسٹریشن سسٹم متعارف کرایا۔
یہ نظام صرف رجسٹرڈ زیارت گروپ آرگنائزرز کو بکنگ کی اجازت دیتا ہے۔
اسلام آباد: وزارتِ مذہبی امور نے ایران اور عراق جانے والے زائرین کیلئے نیا آن لائن رجسٹریشن سسٹم متعارف کرایا ہے۔ یہ قدم زائرین کی سہولت اور سفر کے انتظامات کو بہتر بنانے کے لیے اٹھایا گیا ہے۔
نئی پالیسی کے تحت، صرف رجسٹرڈ زیارت گروپ آرگنائزرز ہی بکنگ اور سفری انتظامات کر سکیں گے۔ وزارت نے 262 آرگنائزرز کو رجسٹر کیا ہے اور غیر رجسٹرڈ افراد یا کمپنیوں کو بکنگ سے محروم رکھا جائے گا۔
وزارتِ مذہبی امور اور بین المذاہب ہم آہنگی نے اس نظام کے ذریعے ایران اور عراق جانے والے زائرین کی سہولت اور بہتر انتظامات کو یقینی بنانے کا وعدہ کیا ہے۔ اس کے ساتھ ہی، سفر کے دوران حفاظتی اقدامات اور رہنمائی بھی فراہم کی جائے گی۔
