کابل: طالبان حکومت نے دہشتگرد تنظیم داعش کے کارکنان کی نشاندہی کیلئے عوام کی بڑے پیمانے پر نگرانی کیلئے امریکی منصوبے کو اپنانے کا فیصلہ کیا ہے۔
عالمی میڈیا رپورٹس کے مطابق طالبان کے ترجمان عبدالمتین قانی نے بین الاقوامی میڈیا سے گفتگو میں کہا کہ طالبان ملک میں سیکیورٹی کی بحالی اور دہشتگرد تنظیم داعش کے خلاف کارروائیوں پر توجہ مرکوز رکھے ہوئے ہیں جنہوں نے افغان شہروں میں کئی بڑے حملوں کی ذمہ داری قبول کی ہے۔ علاوہ ازیں طالبان نے چینی ٹیک کمپنی ہواوے سے بھی ممکنہ تعاون سے متعلق مشورہ کیا ہے۔
ترجمان نے مزید کہا کہ بڑے پیمانے پر کیمروں کی تنصیب جس میں کابل اور دیگر جگہوں کے اہم مقامات پر توجہ دی جائے گی، ایک نئی سیکیورٹی حکمت عملی کا حصہ ہے جس پر مکمل عمل درآمد میں چار سال لگیں گے۔
Advertisement
تاہم دوسری جانب کچھ تجزیہ کاروں نے طالبان کے اس پروگرام کی فنڈنگ اور اس حوالے سے طالبان حکومت کی صلاحیتوں پر سوال اٹھایا ہے جبکہ انسانی حقوق گروپوں نے اس خدشے کا اظہار کیا ہے کہ مخالفین کے خلاف کریک ڈاؤن کے لیے وسائل استعمال کرنے کا طریقہ کار کیا ہوگا۔
