راولپنڈی: گوجرخان پولیس نے 3 سالہ بھانجے کو کلہاڑیوں سے قتل کرنے اور بہن کو زخمی کرنے والے سفاک ملزم کو 24 گھنٹے میں گرفتار کرلیا.
پولیس ترجمان نے بتایا کہ گزشتہ روز سفاک ملزم محمد عقاب نے گھریلو تنازعے پر 3 سالہ بھانجے صائم کو بے دردی سے کلہاڑیوں کے وار کرکے قتل کیا تھا، ملزم نے اپنی بہن کو بھی کلہاڑی مار کر شدید زخمی کیا تھا جس کو اسپتال میں انتہائی تشویشناک حالت میں رکھا گیا ہے۔
پولیس کا کہنا تھا کہ ملزم کے خلاف ٹھوس شواہد پولیس کو موصول ہوئے جس کو قانون کے مطابق سخت سزا دلوائی جائے گی۔
