ٹیکنالوجی کمپنی گوگل نے امریکہ کے کیلیفورنیا اور فلوریڈا کے منتخب علاقوں میں لاکھوں مچھر چھوڑنے کا منصوبہ تیار کیا ہے۔ اس کا مقصد بیماری پھیلانے والے مچھروں کی نسل کو کم کرنا اور صحت مند ماحول پیدا کرنا ہے۔
ٹیکنالوجی کی دنیا کی نمایاں کمپنی گوگل نے حال ہی میں ایک انقلابی منصوبے کا اعلان کیا جس کا مقصد بیماریوں کے پھیلاؤ کو روکنا ہے۔ اس منصوبے کے تحت کمپنی نے امریکہ کے کیلیفورنیا اور فلوریڈا کے منتخب علاقوں میں لاکھوں مچھر چھوڑنے کا فیصلہ کیا ہے۔ گوگل کے مطابق، یہ مچھر خصوصی طور پر تیار کردہ ہیں تاکہ وہ بیماری پھیلانے والے وائرس کو ختم کرنے میں مدد کریں۔ منصوبے کے تحت مچروں کو دو سال کے عرصے میں آہستہ آہستہ چھوڑا جائے گا تاکہ محققین اس کے اثرات کو مانیٹر کر سکیں۔ اس اقدام کے لیے گوگل نے امریکی وفاقی ریگولیٹرز سے اجازت حاصل کرنے کے لیے 3 کروڑ 20 لاکھ خصوصی مچروں کی تخلیق کی درخواست بھی دی ہے۔ حکومت اور صحت کے ماہرین نے اس منصوبے پر مثبت ردعمل ظاہر کیا ہے، لیکن کچھ ماہرین نے ماحولیات پر ممکنہ اثرات پر بھی غور کرنے کی ضرورت پر زور دیا ہے۔ گوگل کا یہ قدم بیماریوں کے خلاف جنگ میں ایک نیا موڑ ثابت ہو سکتا ہے، لیکن اس کے عملی اطلاق کے لیے مزید تحقیق اور جائزہ ضروری ہے۔
