کیرالہ: (ویب ڈیسک) مسجد نبویؐ کے امام اور خطیب شیخ عبداللہ البیجان نے بھارت میں ہونے والی’اسلام انسانیت اور امن کا مذہب ہے‘ کے عنوان سے ہونے والی کانفرنس میں شرکت کی۔
امام مسجد نبویؐ شیخ عبداللہ البیجان اس امن کانفرنس میں بطور مہمان خصوصی شریک ہوئے، شیخ عبداللہ نے کانفرنس سے خطاب کرتے ہوئے کہا کہ اختلافات کی وجہ سے مسلمانوں کے اتحاد کو خطرات لاحق ہیں، جس کے نتیجے میں افراتفری پھیلنے اور جنگیں بھڑکنے کا خطرہ ہے۔
شیخ عبداللہ نے 35 ویں آل انڈیا اہلحدیث کانفرنس میں بھی شرکت کی، اس موقع پر انہوں نے سلامتی، امن، استحکام اور انسانی وقار کے تحفظ کے لئے سعودی عرب کی عالمی سطح پر کی جانے والی کوششوں کا تذکرہ کیا۔
