پاکستان اور تاجکستان کے دو روزہ مشترکہ کمیشن میں تجارتی تعاون کے لیے 3 سالہ روڈ میپ بن گیا۔ دونوں ممالک نے توانائی، آئی ٹی، فارما اور زرعی شعبوں میں سرمایہ کاری کے مواقع پر اتفاق کیا۔
پاکستان اور تاجکستان کے دو طرفہ تجارتی تعلقات کو 20 کروڑ ڈالر تک بڑھانے پر اتفاق ہو گیا۔ اسلام آباد اور دوشنبہ میں منعقد شدہ دو روزہ جوائنٹ کمیشن اجلاس میں دونوں ممالک نے 3 سالہ روڈ میپ تیار کیا، جس کے تحت تجارت، سرمایہ کاری اور توانائی کے شعبوں میں تعاون کو بڑھانے کا فیصلہ کیا گیا۔ اس معاہدے کے تحت کاسا 1000 منصوبے کی جلد تکمیل کا عزم بھی دہرا گیا۔ تاجکستان میں تیل و گیس کے شعبے میں پاکستانی سرمایہ کاری کے مواقع پر بھی اتفاق ہوا، جبکہ آئی ٹی، فارما اور صنعت کے شعبوں میں تعاون کو مزید گہرا کرنے کا وعدہ کیا گیا۔ زرعی شعبے میں بھی مشترکہ ترقیاتی پروگرامز کی منصوبہ بندی کی گئی تاکہ دونوں ممالک کی زرعی پیداوار اور برآمدات میں اضافہ ہو۔
