ممبئی: بالی ووڈ کے لیجنڈری اداکار دھرمندرا کے پوتے اور سنی دیول کے بیٹے کرن کی شادی کی تقریبات کا آغاز ہوگیا۔
کرن دیول جلد اپنی منگیتر دریشا اچاریہ سے رشتہ ازدواج میں منسلک ہونے والے ہیں۔ خوبصورت جوڑی کی شادی کی تقریبات کا آغاز ہوگیا ہے جبکہ مہمانوں کی آمد بھی شروع ہو چکی ہے۔
سنی دیول کے بھائی بابی دیول سمیت دیگر بہن بھائی بھی اپنے بچوں کے ہمراہ مہندی کی تقریب میں شریک ہوئے ہیں۔
سنی دیول بیٹے کی شادی پر پُرجوش ہیں اور سوشل میڈیا پر ان کی فنکشن میں رقص کرنے کی ویڈیو بھی وائرل ہو رہی ہے جس کو مداحوں کی جانب سے خوب پسند کیا جارہا ہے۔
یاد رہے کہ کرن دیول کی منگنی اپنے دادا دادی دھرمیندر اور پرکاش کور کی شادی کی سالگرہ کے موقع پر قریبی رشتہ داروں کی موجودگی میں ہوئی تھی۔
بھارتی میڈیا کا کہنا ہے کہ کرن دیول کی ہونے والی اہلیہ کا تعلق دبئی سے ہے اور فلمی دنیا کا حصہ بھی نہیں ہیں تاہم وہ کون ہیں اس حوالے سے فی الحال معلومات فراہم نہیں کی گئیں۔
خیال رہے کہ کرن دیول نے 2019 میں فلم پل پل دل کے پاس سے اپنے فلمی کا آغاز کیا تھااس فلم کو ان کے والد سنی دیول نے ڈائریکٹ کیا تھا۔ اپنی پہلی فلم کی باکس آفس پر ناکامی کے بعد کرن دیول نے 2021 میں فلم ویلے میں بھی کام کیا۔
