پنجاب میں شدید گرمی کے بعد بادلوں کے برسنے سے موسم خوشگوار ہوا۔ لاہور، گجرات، پسرور، نارووال اور دیگر علاقوں میں بارشوں نے گرمی کو کم کیا۔ محکمہ موسمیات کے مطابق مزید بارشوں کی توقع ہے۔
پنجاب کے مختلف علاقوں میں شدید گرمی کے بعد بادلوں کے برسنے سے موسم خوشگوار ہو گیا۔ لاہور، گجرات، پسرور، نارووال اور دیگر علاقوں میں مسلسل بارشوں نے گرمی کا زور ٹوٹا اور شہریوں کو ریلیف مل گیا۔ گجرات اور اس کے گردونواح میں بادل کھل کر برسے اور نشیبی علاقے زیرِ آب آگئے، جبکہ پسرور اور گردونواح میں تیز ہواؤں کے ساتھ موسلا دھار بارش اور شدید ژالہ باری ہوئی۔ نارووال میں بھی تپتی گرمی کے بعد ہونے والی بارش نے موسم کو ٹھنڈا اور دلکش بنا دیا۔ محکمہ موسمیات کے مطابق مری، گلیات، اٹک، چکوال اور جہلم میں بھی تیز ہواؤں اور گرج کی آوازیں سنائی دیں۔
