ایشین جونیئر سنگلز اسکواش چیمپئن شپ میں پاکستان نے تین میڈل اپنے نام کرلیے۔
ایکسپریس نیوز کے مطابق چین کے شہر ڈالیان میں کھیلی گئی ایشین جونیئر سنگلز اسکواش چیمپئن کے انڈر13 فائنل میں دونوں پاکستانی مدمقابل تھے، نعمان خان نےاحمد ریان خلیل کو ہرا کر گولڈ میڈل جیت جیتا جبکہ احمد ریان سلور میڈل کے حقدار ٹھہرے۔
انڈر 17 کیٹیگری میں پاکستان کے عبداللہ نواز کو ملائیشیا کے” لو وا سیم “سے شکست کا سامنا کرنا پڑا اوروہ کانسی کا تمغہ جیتنے میں کامیاب ہوئے۔
واضح رہے کہ پاکستان 6 سال بعد انڈر 13 کیٹگری میں ایشین چیمپئن بننے کا اعزاز حاصل کیا ہے۔
