برسلز (امن نیوز انٹرنیشنل) سینئیر رہنما ضیا ندیم بٹ پاکستان تحریک انصاف بیلجیئم نےکہا ہے کہ پی ٹی آئی کے دور اقتدار میں ملک بہتری کی جانب بڑھ رہا تھا اور کرپشن کرنے والوں کے خلاف بھی کاروائیاں ہورہی تھیں گزشتہ تیس سالوں سے ملک پر دو خاندان مسلط تھے اور باریاں لے رہے تھے ایک دوسرے کو کرپٹ کہنے والے آج ایک دوسرے کی کرپشن چھپانے کے لیئے ڈھال بنے ہوئے ہیں۔
پاکستان کا نوجوان شدید مایوسی کا شکار ہے ملک میں چند ماہ کے دوران سات لاکھ سے زائد لوگ بیرو ن ملک چلے گئے ہیں کیونکہ ان کو پاکستان میں کوئی مستقبل نظر نہیں آرہا ہے۔
کراچی جو کہ پاکستان کا معاشی حب ہے یہاں تو ایسا محسوس ہوتا ہے کہ کوئی قانون ہی نہیں ہے لوگوں کو دن دیہاڑے لوٹا جارہا ہے کاروبار ختم کیے جارہے ہیں۔
کراچی کا کوئی شہری محفوظ نہیں ہے جبکہ سندھ پولیس صوبائی وزراء کی نوکریاں کرنے میں مصروف ہے ، اب تو ڈکیت دیدہ دلیری سے بڑے ہتھیارلیکر شہریوں کو لوٹ رہے ہیں۔
، حکومت نہ تو شہریوں کو تحفظ فراہم کر رہ ہے اور نہ ہی ملک سے غربت و بیروزگاری کو ختم کرنے کے لیے کوئی اقدامات کر رہی ہے جب تک چوروں کی حکومت ہے ملک ترقی نہیں کریگی۔
