“پی آئی اے کی اسلام آباد سے پیرس براہ راست پروازوں کا آغاز”

پی آئی اے کی اسلام آباد سے پیرس پروازوں کا آغاز

پاکستان انٹرنیشنل ایئرلائنز (پی آئی اے) 10 جنوری 2025 سے اسلام آباد اور پیرس کے درمیان براہ راست پروازوں کا آغاز کر رہی ہے۔ ابتدائی مرحلے میں ہفتہ وار دو پروازیں آپریٹ کی جائیں گی، جنہیں بتدریج بڑھایا جائے گا۔

یہ پروازیں جمعہ اور اتوار کے دن دستیاب ہوں گی، اور ان کا شیڈول مسافروں کی سہولت کے مطابق ترتیب دیا گیا ہے، جو نہایت پرکشش اور آرام دہ ہے۔ اسلام آباد سے پرواز صبح 11:30 بجے روانہ ہوگی اور پیرس سہ پہر 4 بجے پہنچے گی۔ اسی طرح، پیرس سے واپسی کی پرواز شام 6 بجے روانہ ہوگی اور اگلی صبح 5 بجے اسلام آباد پہنچے گی۔

اس شیڈول کی ایک خاص بات یہ ہے کہ مسافر ناشتہ پاکستان میں اور دوپہر کا کھانا پیرس میں کھانے کے ساتھ ساتھ سفر کا لطف بھی لے سکیں گے۔ پی آئی اے کی یہ سروس مسافروں کے لیے ایک بہترین سہولت ہوگی اور پاکستان کے بین الاقوامی روابط کو مزید مستحکم کرے گی۔