مردان میں تین بھائیوں کو ماں سمیت قتل کرنے والے درندہ صفت ملزم کو کالام سوات سے گرفتار کرلیا گیا۔
ایکسپریس نیوز کے مطابق مردان کے علاقے سخاکوٹ میں چند روز قبل پانچ مرلہ مکان کے لیے ملزم نے ماں کے سامنے اس کے تین بیٹوں کو قتل کر دیا تھا اور ملزم نے فرار ہوتے وقت مقتولین کی ماں کو بھی موت کی نیند سلا دیا تھا۔
یہ پڑھیں : مردان: ملزمان نے مکان کسی اور کو بیچنے پر ماں اور تین بیٹوں کو قتل کردیا
بہیمانہ قتل کے بعد سفاک قاتل کی گرفتاری کے لیے اہل علاقہ نے سڑک بند کرکے بھرپور احتجاج کیا تھا جس پر ڈپٹی کمشنر نے ان سے مذاکرات بھی کیے تھے اور یقین دلایا تھا کہ ملزم کو گرفتار کرلیا جائے گا۔
یہ بھی پڑھیں :مردان: ماں اور بیٹوں کے قتل کے خلاف لواحقین کا سڑک پر دھرنا
آج اطلاعات موصول ہوئی ہیں کہ ملزم کو سوات سے گرفتار کرلیا گیا ہے پولیس نے ملزم کی گرفتاری کی تصدیق بھی کردی ہے۔ پولیس کے مطابق ملزم سے تفتیش کا عمل جاری ہے۔
شیئرٹویٹشیئرمزید شیئر
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں
